تجربتي مع التهاب العصب السابع(شلل الوجه النصفي)

انقل لكم تجربتي بالتهاب العصب السابع .......اخذت شور (shower) وما تعرضت لأي تيارهواء لكن كانت نفسيتي تعبانه شوي ومتوترة مع حاللة زعل وتعرضت لهواء خفيف😘😘.... اجتمعت كل الظروف وأدت الى اصابتي بالتهاب العصب السابع (لفحة الهواء) مع وجود القابلية للاصابة.....وظهرت بعد بساعات تقريبا 7 ساعات ...وتختلف من شخص الى اخر...طبعا بقيت يوم كامل من دون تلقي العلاج ...وحتى نتفادى مضاعفاته لازم نراجع أول ما نلاحظ ظهور الاعراض ....

أعراضه اللي ظهرت علي:
-فقدت السيطرة على شفتاي يعني فمي مال قليلا وأشعر بشد خفيف بوجهي....
-مع مرور الوقت يعني بعد ساعة فقدت السيطرة على عيني يعني بطلت قادرة اغلقها ...لما اجي انام بحط ايدي عليها حتى اسكرها مع دموع مستمرة
-تغير بالطعم قليلا..يصبح طعم الطعام مر نوعا ما
-عند الوضوء والمضمضة اجد صعوبه بالمضمضة
----------------------
بعد مرور 24 ساعة من الاصابة راجعت دكتور من الصباح الباكر لانو كورس العلاج يبدأ بالصباح
اسم الدكتور اللي راجعت عندو دكتور عبدي ريالات بالمستشفى  الاسلامي بالعيادات الخارجة (عمان-الاردن)طبعا اشطر دكتور كتير كتير شاطرشاف حالتي وحكالي مو كتير متأثرة الحمدلله كانت اصابتي خفيفة ووصفلي كورس ادوية وطلب مني الالتزام فيها لمدة 10 ايام
الكورتزون(حبوب)
ابر بيتولف 
قطرات عينية
كل واحد حسب حالتو بعطوه جرع بكميات معينه وممنوع عمل اي مساج على الوجه لانو راح بضر فقط اخذ الدواء
الكشفية ب 17,5 دينار اردني وتاني مرة بتسير ب 8,5
بعد 10 ايام راجعته طلب مني وقف كل الادويه ووصفلي دواء جديد اسمو Nucleo C.M.P. Forte عبارة عن كبوسولات لمدة شهر
وحددلي 10 جلسات علاج طبيعي وحكالي يمكن تحتاجي أقل من هيك بعد بتلات ايام رحت عالمستشفى الاسلامي نفسو ورحت على قسم العلاج الطبيعي طبعا مع الالتزام بأخد الدواء
طبعا في كشفية دكتور ب 12,5 وجلسة لعلاج الطبيعي ب 10 دنانير
جلسة العلاج الطبيعي:
جهاز الالتراساوند متل جهاز مساج ....
بعدين جهاز تاني اللي هو ومضات كهربائية
بعدين بتعلمك الممرضة مساج للجهة المصابة
واعطوني طرق مساج اعملها بالبيت
واهم شي استخدم القربة واحط فيها مي سخنة واحطها على المنطقة المصابه من 3-4 مرات باليوم وبحرارة يستحملها وجهي
خلال اول اسبوعين ما تحسنت بس بلشت اتحسن وبالكتير شهر برجع وكالة 😊
بتلاقو القطرات اللي استخدمتها  والحركات المساج بالصور